Rozana Koleci, 29 vjeçe, në vend të frenave ka shkelur gazin një ditë më parë, duke marrë përpara 4 jetë njerëzore, dy prej të cilave e ndalën frymën në vend. Kjo është arsyeja e aksidentit të tmerrshëm të një dite më parë në Kamëz, me pasojë dy të vdekur e dy të plagosur.
Ana më tragjike ishte humbja e jetës së një vajze 7-vjeçare duke qenë përdore me nënën e saj. Kjo e fundit, së bashku me vajzën tjetër 6-vjeçare, përfunduan të plagosura rëndë në spital. Viktima tjetër ishte një burrë mbi biçikletë.
29-vjeçarja që shkaktoi aksidentit nuk u përfol të ketë qenë me shpejtësi, por sipas pohimeve të saj të para në polici, shkelja e pedalit të gabuar e ka çuar mbi trotuar.
Ndaj saj pritet të merret masa e arrestit. /tesheshi.com/
