Nga aksidenti tragjik i të dielës në mbrëmje, ku nga përplasja e dy automjeteve në aksin Shkodër – Velipojë, u shua më shumë se gjysma e një fëmiljeje, në jetë ende ka mbetur vajza 10-vjeçare e familjes Preka, Noemi. Ka shpëtuar gjithashtu e ëma e saj, Etleva 38-vjeçare, e cila siç thuhet nga ekipi i mjekëve të urgjencës së Shkodrës, dalëngadalë po i kthehet vetëdija.
Por zgjimi i saj pritet të jetë një dramë më vete kur të mësojë se burri, Edmondi, dhe vajza 5 vjeç e djali 9 muajsh, nuk jetojnë më. Ndërsa Noemi mbahet me aparatura në vdekje klinike, me pothuajse zero shpresë për të jetuar.
Banorë në vendin afër aksidentit, nga ata që kanë rendur të parët në vendngjarje, janë shprehur se janë ballafaquar me pamje të tmerrshme. /tesheshi.com/
