Siç dhe aludohej, janë pesë jetë shqiptare ato që janë shuar nga një aksident i tmerrshëm në Greqi, në një përplasjeje kokë më kokë mes një Mercedezi me targa shqiptare dhe kamioni.
Ka qenë Mercedezi me pesë persona brenda, i cili ka dalë në korsinë e gabuar, duke shkaktuar përplasjen fatale me kamionin që vinte përballë, për arsye që ende nuk dihen.
Jetët e shuara aty, siç raportohet, kanë qenë punëtorë sezonalë të cilët nga Selaniku po udhëtonin për në kufi me Maqedoninë, në një rrugë drejt Malit të Zi.
Pas identifikimit emrat e tyre janë bërë publikë. Ata janë:
Besim Muçaj, 55 vjeç;
Ilir Daci, 50 vjeç;
Ergin Peposhi, 19 vjeç;
Ardit Peposhi, 16 vjeç;
Gazmen Brahaj, 47 vjeç.
Aksidenti që u mori jetën të pestëve ndodhi në unazën e Edessa-s. /tesheshi.com/
