Një aksident i rëndë rrugor ka ndodhur në një rrugë dytësore në Golem-Kavajë, ku si pasojë dy fëmijë të vegjël kanë humbur jetën dhe nëna e tyre është plagosur.
Burime nga policia bëjnë me dije se ngjarja ka ndodhur rreth orës 17:20, ku mjeti tip “Mercedes Benz”, me targë AA372JG, me drejtuese shtetasen S. N., 24 vjeçe, banuese në Durrës, duke drejtuar mjetin, në të cilën ndodheshin 3 fëmijë, është përplasur me trafikndarësen, ku si pasojë kanë humbur jetën 2 fëmijë ende të paidentifikuar.
Drejtuesja e mjetit me fëmijën E. N., 1 vjeç, janë dërguar në Spitalin e Durrësit, jashtë rrezikut për jetën.
Policia dhe grupi hetimor në vendin e ngjarjes po kryhen hetimet për zbardhjen e plotë të aksidentit. /tesheshi.com/
