Manchester City rikthehet tek fitorja në Premier League, duke i dhënë një 5-1 Leicesterit. Protagonist absolut i ndeshjes ishte Sergio “Kun” Aguero, i cili shënoi 4 gola. Ndeshja nisi e fortë dhe golit të shpejtë të Sterling, iu përgjigj Vardy me një gjuajtje të fortë diagonale.
Pjesa e parë u mbyll barazim, ndërsa në të dytën, filloi “të shkallojë” Aguero, që shënoi 2 gola të shpejtë brenda 10 minutave.
Praktikisht aty u mbyll ndeshje, sepse Citiziens nuk i ndalën sulmet. Argjentinasi shënoi edhe golin e tretë personal, e më pas, “e tepron” edhe me golin e katërt të tijin e të pestin e ndeshjes.
Skuadra e Guardiolës tashmë shkon në 16 pikë diferencë me rivalët nga i njëjti qytet, që luajnë nesër.
Ndërsa derbi i Londrës që u luajt paradite, foli për Totenham, i cili mundi Arsenalin 1-0, me golin e shënuar nga i përhershmi Harry Kane. Totenham konsolidoi vendin e katërt, ndërkohë që Arsenal vijon tatëpjetën, duke iu larguar gjithnjë e më shumë objektivit për të marrë pjesë në Champions League. /tesheshi.com/
