Shkrimtari, poeti, përkthyesi, kritiku letrar dhe publicist Agron Tufa, ka goditur së fundi fort gazetarin Blendi Fevziu.
Prej ditësh, Tufa është përfshirë në një replikë me historianin Pëllumb Xhufi, lidhur me atë çfarë ishte e çfarë nuk ishte kampi famëkeq i Tepelenës.
Tufa, si një prej të angazhuarve në denoncimin e krimeve të komunizmit, i është kundërvënë Xhufit i cili nga ana e tij e ka quajtur të tepruar krahasimin e kampit të Tepelenës me Aushvicin.
Por në rastin e Fevziut, tjetër çështje e ka nervozuar Tufën.
“’Debat i kotë dhe i pasens’, e quajti sonte B. Fevziu debatin e ketyre ditëve midis historianëve enveristë, që mohojnë krimet e komunizmit, dhe bllokut solid të kundershtarëve diskretitues të tyre.
Vertet që ky Fevzi eshte dështak në të gjitha fushat e artit e dijes; banal, servil e mercenar, simbol i gjithë këllirësisë së një epoke të tërë postkomuniste, por tani na dalka të na diktojë edhe se çfarë vlen e çfarë s’vlen, çfarë është e plotë, e çfarë është e kotë.
Eh, ç’mund të presësh më shumë prej një ramizisti?!
Qëkurse bëri kontratën me Djallin, duke zgjedhur të jetë ‘derr i kënaqur’, ai nga ana tjetër, nuk ia fal askujt që lufton për një kauzë.
Kam bërë një betim që nga viti 2005, se nuk do t’i shkel kurrë në studio. Dhe e kam mbajtur!”, shkruan Tufa në FB.
Ky nuk është i vetmi zë kundër Fevziut dhe rolit të tij në orientimin e debatit publik nëpërmjet Opinion-it që drejton prej vitesh. Ka dhe të tjerë emra publikë që janë përbetuar të mos shkelin aty, por gjuha e Agron Tufës shkon dhe më tej kur e quan “derr i kënaqur”. /tesheshi.com/
