Goran Zhivaljeviç, diplomati serb dhe agjent i shërbimit sekret BIA që u kap me “presh në duar” në natën 27 prillit në Maqedoni kur u dhunuan deputetët e LSDM-së dhe Zijadin Sela është pikasur nga një shqiptar, që mësohet se është personi që ka arritur të vendosë në objektivin e tij edhe sekserin serbo-boshnjak Damir Falziç gjatë një takimi që ka zhvilluar në Shkup me kryespiunin e Gruevskit, nën shoqërinë e një prej këshilltarëve të ish-kryeministrit Sali Berisha.
Burime nga Shkupi bëjnë të ditur se gjithçka ka qenë një kombinacion perfekt i disa shërbimeve partnere perëndimore, të cilët prej kohësh e kanë survejuar agjentin serb, madje kanë arritur të interceptojnë edhe lidhjet e komunikimin me qendrën serbo-ruse në Nish, të cilën e denoncoi në mediat serbe, edhe zyrtari i larrtë i Departamentitt Amerikan të Shtetit, Hoyt Yee, gjatëë vizitës në Beograd dy ditë më parë.
Goran Zhivaljeviç, i cili është diplomat në ambassadën serbe në Maqedoni, njëkohësisht oficer i BIA-s, ka deklaruar për organet e Shkupit kur është pyetur se ai ka qenë prezent në parlamentin maqedonas natën e 27 prillit për të ndjekur punimet e Kuvendit siç bën gjithmonë.
Por ai është filmuar se ka hyrë në sallë së bashku me protestuesit që kanë shpërthyer derën dhe më pas janë turrur të rrahin Zoran Zaev, Zijadin Selën dhe disa deputetë të LSDM-së.
Siç bëri të ditur Zoran Zaev, plani ka qenë për të eleminuar njerëzit kryesorë të ish-opozitës dhe në raddhë të parë shqiptarët.
Ministria e Jashtme e Maqedonisë ka thirrur ambasadoren serbe në Shkup dhe i ka bërë notën e protestës për përfshirjen e Goran Zhivaljeviç
Zhivaljeviç është fotografuar në sallën e parlamentit së bashku me deputetët e VRMO-DPMNE-së, ish-kryeministrin Nikolla Gruevski, si dhe demonstrues të ndryshëm.
Pikërisht në lidhje me praninë e Zhivaljeviç në dhunën e 27 prillit kanë diskutuar mbrëmë në Bruksel kryeministri i mandatuar, Zoran Zaev dhe kryeministri serb, Aleksandër Vuçic.
Agjenti serb është fotografuar duke hyrë në parlament së bashku me protestuesit, ku më pas iu drejtuan në sallën plenare.
Zhivaljeviç është “figurë e njohur” e spiunazhit serb në disa ngjarje në vende të tjera në rajon. Një muaj më parë, pikërisht në kulmin e trazirave kur po i shikonte se po fitonte plani i Gruevskit për të mos lejuar ngritjen e qeverisë së Zoran Zaev, në Shkup janë takuar Sasho Mijallkov me serbo-boshnjakun Damir Fazliç, i cili shoqerohej nga Avenir Peka.
Fazliç është biznesmen kontravers serbo-boshnjak i njohur për opinionin shqiptar dhe më gjërë, krysisht si person i afërt me familjen e Sali Berishës, por njëkohësisht edhe me shërbimet serbe.
Fazliç është nip i Jovica Stanishiq, ish-shef i shërbimit sekret serb (1990-1998) gjatë kohës së sundimit të Millosheviqit. Në takim ka qenë i pranishëm edhe Avenir Peka, ish zv.ministër i Brendshëm në Shqipëri, në kohën kur Sali Berisha ishte kryeministër i Shqipërisë.
Po ato ditë në Shkup është fotografuar në hotel Marriot në qendër të Shkupit, në orët e mbrëmjes, deputeti i VMRO-DPMNE-së Aleksandar Nikollovski me gazetarin kosovar Berat Buzhala dhe biznismenin kosovar Ekrem Lluka.
Kjo është hera e dytë zyrtarisht kur implikohet shërbimi serb kundër një shteti tjetër. Hera e parë ishte në Mal të Zi kur u tentua të vritej kryeministri Milo Gjukanoviç. Të dyja këto akte janë pikasur nga një shërbim shumë i rëndësishëm perëndimor, siç është ai i Gjermanisë.
Dyshohet se regjia e këtyre lojrave bëhet në të ashtuquajturën Qendër Humanitare ruso-serbe që ndodhet në Nish, fare pranë Kosovës. /tesheshi.com/
