Jorge Mendes, agjenti i trajnerit portugez Jose Mourinho, ka mohuar çdo informacion që e lidhnin ish-trajnerin e Chelsea-s me skuadrën nga Old Traford, Manchester United.
Madje së fundmni, u spekulua për një letër të hapur që “i veçanti” i kishte dërguar drejtuesve të “djajve të kuq”, mirëpo gjithçka është mohuar nga Mendes.
“Është aq e pabesueshme sa edhe qesharake. Askush nuk mund ta besojë që një trajner si Mourinho, do t’i ofrohet një klubi për ta drejtuar me anë të një letre”, theksoi Mendes. /tesheshi.com/
