Shpesh e lënë veten të mundemi nga çdo vështirësi e vogël që na del përpara, pa kuptuar dhe pa reflektuar se në botë ka njerëzi si Quan Peng, i cili na mëson se si jeta mund të jetohet në maksimum, edhe pse mund të ketë shumë probleme që na duken të vështira dhe pa rrugëdalje.
Quan është një paraplegjik e pavarësisht kësaj është përfshirë në një sfidë të madhe: të përshkojë Kinën në një karrige me rroga. I nisur nga Pekini më 31 gusht 2014, deri më sot ai ka përshkruar 2800 km. Udhëtimi i tij është ende i gjatë, duke qenë se qëllimi që ka është të mbërrijë në ekstremin jugor të provincës Hainan.
Ai qëndron në një karrige me rrota që prej moshës 17-vjeçare, kur u operua në shpinë për të hequr një masë tumorale. “Fati më hoqi lirinë, ndaj duhet të luftoj për ta fituar”, – tregon ai.
Në nisje të udhëtimit gjithçka i dukej e vështirë, duke qenë se e shpesh e zinte edhe gjumi në mes të rrugës, duke mos pasur ku të flinte. Mirëpo, me kalimin e kohës gjërat janë bërë më të thjeshta e shpesh edhe argëtuese, me shumë miqësi të reja të lindura gjatë udhëtimit. Sipërmarrja e tij ndër të tjera është duke sensibilizuar për rëndësinë e të pasurit rrugë kalimi për personat me aftësi të kufizuara në qytetet kineze. Nuk na ngelet gjë tjetër veçse t’i urojmë fat djaloshit! /tesheshi.com/
