Luhen ndeshjet e fundit sonte në grupin A në Euro 2016, që përcaktojnë renditjen përfundimtare të skuadrave.
Francë – Zvicër dhe Shqipëri – Rumani do të përcaktojnë skuadrën e parë të grupit, por edhe të vendit të tretë.
Shqipëria, posaçërisht, gjendet para një sfide të veçantë: të shënojë golin e parë në Europian, të marrë pikët e para në të, e më e mira do të ishte të fitonte, e, në fund, në rast fitoreje ndaj Rumanisë, të renditet e treta në grup dhe të kualifikohet për më tej.
Të dy takimet do të luhen në të njëjtën orë, në 21:00, dhe janë të vetmet përballje të ditës së sotme.
Ndeshja me Shqipërisë dhe Rumanisë do të luhet në Lion, në “Park Olympique Lyonnais”, dhe do të gjykohet nga çeku Pavel Kralovec.
Formacionet e mundshme janë këto:
Shqipëria: Berisha, Cana, Mavraj, Agolli, Hysaj, Kaçe, Abrashi, Xhaka, Roshi, Lenjani, Cikalleshi.
Rumania: Tatarusanu, Grigore, Chiriches, Matel, Sapunaru, Hoban, Sanmartean, Popa, Stancu, Stanciu, Andone. /tesheshi.com/
