“Osama Bashir Hassan al-Battainah u zhduk në moshën 18-vjeçare në vitin 1986 dhe më pas kaloi 38 vjet në burgjet e regjimit sirian, sipas të afërmve të tij,” tha për AFP Sufyan al-Qodat, një zëdhënës i Ministrisë së Jashtme jordaneze.
“Ai u dërgua nga Damasku në pikën kufitare Jaber (me Jordaninë) ku iu dorëzua rojeve kufitare”, shtoi ai.
Ai u gjet në Siri “pa kujtesë dhe iu dorëzua anëtarëve të familjes së tij këtë mëngjes (të martën)”, tha zëdhënësi, pa specifikuar se nga cila qendër paraburgimi u lirua.
Zëdhënësi nuk specifikoi se si u identifikua ky jordanez pavarësisht shëndetit të tij të dobët.
🚨🚨🚨Jordanian Detainee Found Alive After 38 Years in Sednaya Prison
Osama Al-Bataineh, missing for 38 years, has been discovered alive in Syria’s notorious Sednaya Prison, suffering from complete memory loss.#Syria#Sednaya pic.twitter.com/2F2LafTHqT
— R🔻 (@ramoosh22) December 9, 2024
Sipas Organizatës Arabe për të Drejtat e Njeriut në Jordani (OADHJ), numri i jordanezëve të mbajtur në burgjet siriane arrin në 236, me shumicën e tyre në atë në Sednaya, afër Damaskut.
Shumë të huaj mbaheshin në burgjet siriane, si libanez Suheil Hamawi i cili u kthye dje në vendin e tij pasi kaloi 33 vjet në burgjet e regjimit sirian.
Pasi regjimi i Bashar al-Assad ra të, rebelët hapën burgjet dhe liruan të burgosur.
Që nga fillimi i kryengritjes në vitin 2011, e cila u kthye në një luftë civile, më shumë se 100,000 njerëz kanë vdekur në burgjet siriane, kryesisht për shkak të torturave, siç vlerësohet në vitin 2022 nga Observatori Sirian për të Drejtat e Njeriut. Observatori raportoi se rreth 30,000 njerëz u mbajtën në Sednaya, ku të burgosurit iu nënshtruan torturave të tmerrshme, nga të cilët vetëm 6,000 u liruan.
Amnesty International ka regjistruar mijëra ekzekutime dhe denoncon “një politikë të vërtetë shfarosjeje” në Sednaya, duke e quajtur atë një “therrtore të njerëzve”. /tesheshi.com/
