Aktivistja e njohur e klimës, adoleshentja suedeze Greta Thunberg, në fjalimin e saj në Samitin e Kombeve të Bashkuara për Ndryshimin e Klimës në Nju Jork, dënoi me forcë liderët botërorë që sipas saj nuk bëjnë përpjekjet e nevojshme për të luftuar ndryshimin e klimës.
Ajo theksoi se ata tashmë nuk kishin arritur të ndërmarrin veprime dhe të miratonin ligje për të mbrojtur mjedisin, dhe me zemërim u dërgoi atyre një mesazh duke thënë se ata duhej të bënin diçka për këtë çështje sa më shpejt që të ishte e mundur.
“Është gjithçka e gabuar. Unë nuk duhet të jem edhe këtu, por në shkollë në anën tjetër të oqeanit. Si guxoni? Ju vodhët ëndrrat e mia dhe fëmijërinë me fjalët tuaja boshe”, tha Thunberg në një fjalim shumë emocional.
“Unë jam një nga fëmijët me fat gjithsesi. Njerëzit po vdesin, ekosistemi ynë po shembet, ne po përballemi me zhdukjen masive, por ju po flisni vetëm për para dhe rritje ekonomike”, shtoi ajo.
Ajo vuri në dukje se po përpiqet që të tërheq vëmendjen e publikut botëror për çështjen e ndryshimit të klimës për disa kohë, duke vërejtur se përpjekjet e saj janë injoruar plotësisht nga liderët botërorë.
“Ju vini këtu dhe thoni që gjithçka është bërë. Nëse vërtet e kuptoni peshën e situatës dhe akoma nuk merrni hapat e nevojshëm, kjo tregon që ju jeni demonë, por unë nuk dua ta besoj. Të rinjtë e kanë kuptuar tradhtinë tuaj. Sytë e gjeneratave të ardhshme do të jenë tek ju”, tha 16-vjeçarja. /tesheshi.com/
