Adidas ka ndërprerë bashkëpunimin me Kanye West, reperin e njohur edhe si Ye, për shkak të komenteve të tij antisemite dhe gjuhës së urrejtjes, raportoi CNN.
Kompania tha se “nuk toleron antisemitizmin, as ndonjë lloj tjetër të gjuhës së urrejtjes”, duke shtuar se komentet e tij të fundit drejtuar kundër hebrenjve ishin “të papranueshme, të urrejtjes dhe të rrezikshme”. Përveç kësaj, shtuan ata, ai ka shkelur vlerat e kompanisë si vlerësimi i diversitetit dhe respekti reciprok.
Adidas ndaloi prodhimin dhe shitjen e produkteve të markës Yeezy, si dhe pagesat për reperin dhe kompanitë e tij. Pas shpalljes së një vendimi të tillë, aksionet e Adidas ranë me pesë për qind në bursën e Frankfurtit.
Edhe markat e tjera ndërprenë bashkëpunimin
Kompania ka partneritet me West që nga viti 2013, dhe tre vjet më vonë Adidas zgjeroi bashkëpunimin e saj me reperin, duke e quajtur atë “partneritetin më domethënës të krijuar ndonjëherë midis një marke jo-atletiste dhe sportive”.
Megjithatë, në fillim të këtij muaji Adidas e vuri “partneritetin në shqyrtim” pasi West veshi një bluzë “White Lives Matter” në publik. Lidhja Anti-Shpifje e kategorizon termin si një “sllogan urrejtjeje” të përdorur nga grupet supremaciste të bardhë, duke përfshirë Ku Klux Klan.
Kohët e fundit, West tha më tej se ai “mund të thotë s*** anti-semitike” dhe se Adidas “nuk mund ta godasë atë” për këtë, mes komenteve të tjera antisemitike gjatë një podcasti.
Para Adidas, markat e tjera, si Balenciaga dhe Vogue, i dhanë fund bashkëpunimit, më pas agjencia e talenteve CAA hoqi dorë nga partneriteti me West dhe kompania e prodhimit MRC anulloi një dokumentar për West. /tesheshi.com/
