Edhe vetë ideatorët kanë mbetur të habitur nga interesimi i madh i njerëzve që janë treguar të gatshëm të paguajnë 85 dollarë për një copë gur të mbështjellë me lëkurë sintetike.
Lloji i gurit vjen nga Nordstrom, një rrjet dyqanesh amerikane. Dhe shet as më pak e as më shumë se sa thjesht atë që ju thamë: një copë gur 10 cm me 10 cm, të futur në një mbajtëse lëkure.
“Është një mbajtëse letrash? Një suvenir? Një vepër arti? Vendoseni ju. Por i sigurtë është fakti se ky gur tëheq vëmendjen e shumë njerëzve kudo që ta vini”, thotë shkrimi që shoqëron produktin.
Shumë ishin të bindur se bëhej fjalë për një shaka marketingu. Por paçka se ideja mund të ketë lindur si e tillë, produkti është në shitje. Ose më mirë me thënë, ishte, pasi nga suksesi i madh kanë mbaruar furnizimet.
Akoma nuk dihet nëse Nordstrom do ta vërë në shitje përsëri, por një gjë është e sigurtë: jetojmë në një botë të çuditshme, kur njerëzit janë aq të prirur drejt konsumit sa janë të gatshëm të blejnë edhe gurët e tokës. /tesheshi.com/
