Ka nisur trajnimi i mësueseve të klasave të para për abetaren e unifikuar Shqipëri-Kosovë.
Ministrja e Arsimit Evis Kushi tha se “sot është dita e parë që mësuesit tanë në të gjithë vendin kthehen nga pushimet dhe fillojnë intensivisht punën për t’u përgatitur për fillimin e vitit të ri shkollor. Nuk mund të nisnim më mbarë se sa me trajnimet e para të mësuesve për Abetaren e Përbashkët Unike, e cila tashmë është gati dhe këtë shtator do të jetë në duart e çdo vogëlushi.”
Më herët, kryeministri Edi Rama uroi atë që e quajti krijesë të dy qeverive.
“GËZUAR ABETAREN E PARË TË UNIFIKUAR, krijesë e bashkimit të vullneteve të qeverive të Shqipërisë dhe Kosovës, për të gjithë fëmijët shqiptarë këtej e andej bjeshkëve, e kudo ata ndodhen”, shkroi Rama.
Pritet që më datë 1 shtator të mbahet në Kosovë një ceremoni për prezantimin e Abetares së Unifikuar, ku e pranishme do të jetë Kushi dhe homologia e saj Arbërie Nagavci.
“Jam shumë e lumtur që në datën 1 shtator do të jem bashkë me Ministren Arbërie Nagavci në ditën e parë të shkollës në Kosovë, ku prej andej do të nisim promovimin e risisë më të bukur për të gjithë nxënësit dhe mësuesit. Suksese dhe punë të mbarë për të gjithë mësuesit e Shqipërisë dhe Kosovës”, shkruan homologia e saj Kushi. /tesheshi.com/
