Grupi parlamentar i Aleancës për Ardhmërinë e Kosovës (AAK) i ka bërë thirrje deputetëve të subjekteve të tjera që të rezistojnë ndaj çfarëdo presioni që mund t’iu bëhet për ratifikimin e Demarkacionit me Malin e Zi.
“Populli i Kosovës ju ka dhënë besimin për të mbrojtur sovranitetin dhe integritetin e Republikës, andaj me të drejtë ju jeni zëri i tyre. Mos e sakatoni Kosovën për të ruajtur një Komision Qeveritar që po e tkurr territorin e vendit. Nuk ruhen raportet me askënd duke e dëmtuar veten. Kosova ka dhe do të ketë raporte të mira me fqinjët e saj, por në asnjë variant kjo nuk do të thotë që duhet të jepet territor për fqinjësi të mirë. Ne nuk po pretendojmë në territoret e humbura para 103 vjetësh, por të ruajmë këtë territor që e kemi”, thuhet në kumtesën e grupi parlamentar të AAK-së. /tesheshi.com/
