Prej ditësh në rrjetet sociale qarkullojnë foto të një prej sulmuesve më të mirë të të gjitha kohërave, Didier Drogba, të cilat pretendohej se vërtetonin se ai ishte konvertuar në Islam.
Pasi u ndezën rrjetet sociale, ish-futbollisti legjendar i Chelsea vendosi të shprehet.
“Kjo histori u bë virale, por unë nuk e ndryshova fenë time. Unë thjesht po respektoja vëllezërit myslimanë që vizitova në fshatin tim. Shumë dashuri dhe bekime për të gjithë,” shkroi Drogba në Twitter.
Drogba është një nga legjendat më të mëdha në historinë e Chelseat. Ai luajti për klubin dy herë, nga viti 2004 në 2012, dhe në sezonin 2014/15. Ai shënoi gjithsej 104 gola vetëm në Premiership. Ai fitoi Champions League me klubin në vitin 2012. Ai gjithashtu luajti për Marseille dhe Galatasaray. /tesheshi.com/
