Eshtë dashur një sulm i rradhës i presidentit Meta ndaj Ramës, me subjekt arbitrazhet, që ky i fundit të reagojë duke mohuar që shteti shqiptar po humb miliona në gjyqe me kompanitë.
“Kur ekonomia nuk po e rimerr veten nga dy tragjedi, një barrë të rendë po shkakton papërgjegjshmëria e institucioneve për ruajtjen e interesave të shtetit shqiptar. Dita ditës po rritet borxhi publik. Është rritur numri i çështjeve të humbura të shtetit shqiptar në Gjykatat e huaja, i kam dërguar avokaturës ë shtetit, numrin e çështjeve në proces në gjykatën e arbitrazhit ku është përfshirë Shqipëria, shërbimet e përfaqësimit, shpenzimet dhe të dhënat për ato, numrin e çështjeve të fituara në gjykatat e Arbitrazhit, numrin e çështjeve të humbura, sa ka kushtuar, shpenzimet administrative për koston e procesit, të dhëna mbi faktin nëse deri sot për çështjet e humbura a ka referuar avokatura e shtetit për nxjerrjen e përgjegjësve për dënim e shkaktuar ndaj shtetit Shqiptar.
Shqipëri ka një detyrim mbi 99 mln euro, ndërsa kostoja ka vlerë për mbi 300 mijë euro. Nga sa është bërë publike, vendimi i arbitrazhit e evidenton qartë vendimet arbitrare të Shqipërisë, deklaratat e Ramës kanë pasur rol thelbësor në vendimin e Gjykatës në dëm të Shqipërisë. I dhashë mundësi të dytë avokaturës edhe pse ishte me shumë vonesë, deri tani sërish heshtje e plotë. Kjo nuk tregon papërgjegjshmëri, por përpjekje e hapur për të fshehur informacionin”, tha Meta.
Jo kaq gjatë por shkurt, Rama iu përgjigj duke mohuar pretendimet e kreut të shtetit.
“Një pjesë e njerzëve mendojnë se ne i kemi paguar, ftoj median të vërtetoj, deri sot që flasim , nuk kemi asnjë proces në arbitrazh të përfunduar ku ne të kemi humbur, thjesht nuk kemi.
Kemi avokatë dhe të huaj madje që po punojnë ti’ sprapsin ato që janë të natyrës paraprake. Kemi fituar procese po, por nuk kemi humbur asnjë, po punojmë për të sprapsur e theksoj për vendimet paraprake”, shkroi Rama. /tesheshi.com/
