CEO i Pfizer-it Albert Bourla hodhi poshtë pretendimet se kompania e tij kishte vonuar qëllimisht publikimin e rezultateve të efektivitetit të vaksinës për periudhën pas zgjedhjeve në Shtetet e Bashkuara.
“Zgjedhjet mund të kenë qenë shumë të rëndësishme për presidentin, por jo për ne,” tha Bourla në një event të organizuar nga New York Times.
Drejtori ekzekutiv i Pfizer-it tha se askush nuk u përpoq ta detyronte të bënte diçka që ishte e papërshtatshme dhe se ai kurrë nuk do ta bënte atë.
Pfizer dhe BioNTech thanë javën e kaluar se vaksina që ata krijuan ishte efektive në 90 përqind të rasteve.
Bourla tha më herët se kompania e tij nuk do të kishte të dhëna mbi rezultatet e provave deri në fund të tetorit. Rezultatet u njoftuan më në fund në 9 nëntor, pothuajse shtatë ditë pas zgjedhjeve presidenciale të SHBA.
Më parë, Donald Trump në mënyrë të përsëritur siguroi publikun se rezultatet e suksesit të vaksinës do të shpallen para zgjedhjeve, për të shkruar më vonë në Twitter se “Pfizer nuk kishte guximin të shpallte rezultatet para zgjedhjeve”. /tesheshi.com/
