Dëgjojmë shpesh të thuhet se femrat shtatzënë duhet të hanë sa për dy, duke qenë se mbajnë brenda edhe një krijesë tjetër, e cila ka nevojë të ushqehet mirë, që të vijë në jetë sa më i shëndetshëm dhe pa probleme. Por a është kjo një zgjidhje e mirë dhe një ‘rregullim’ për këtë problem?
Në fakt, të thuash se nënat në pritje të ëmbël duhet të hanë sa për dy, nuk është asnjë pohim i drejtë. Sipas shkencëtarëve dhe dietologëve, akumulimi i sa më shumë peshe duke ngrënë pa kontroll gjatë tremujorit të parë, mund të shkaktojë probleme të mëdha me sistemin tretës përveç se në një çrregullim hormonal, i cili rrezikon të shkaktojë dëme tek nënat e reja për gjithë pjesën tjetër të jetës së tyre.
Mjekët kanë realizuar eksperimente të ndryshme në laboratorë (tek mizat e ushqimeve) të cilat kanë një sistem tretës shumë të ngjashëm, me atë të njerëzve. Gjatë shtatzënisë, funksionet e sistemit tretës tek insektet bëhen më eficente dhe kjo do të thotë se një pjesë e madhe e energjisë absorbohet nga ushqimi që konsumojmë, falë një hormoni, të ngjashëm me tiroiden tek njeriu.
“Studime të kaluara kanë treguar se ngrënia për dy persona gjatë periudhës së parë të shtatzënisë nuk është e nevojshme”, shpjegon mjekja Irene Miguel-Aliaga nga qendra mjekësore Medical Research Council (MRC) Clinical Sciences Centre në Londër.
“Kërkimi ynë tani sugjeron se sistemi tretës është i pregatitur tashmë, kur femra është shtatzënë, të përmbushë të gjitha kërkesat e nevojshme si për ushqimin e nënës edhe të fetusit, ndaj nuk është e nevojshme mbiushqyerja”,- thotë Irene.
Ajo shton se ngrënia sa për dy nuk është veç se një mit i vjetër, ose një justifikim për të ngrënë më shumë, kur organizmi ynë është ne gjendje të kërkojë vetë mënyra për të ushqyer dhe për të mbajtur në gjendje të mirë fetusin, përpara se ai të vijë në jetë./tesheshi.com/
