Vajza “e fshehtë” e Kim Jong Un duket se ka bërë daljen e saj të parë publike, sipas ekspertëve.
Kjo është Kim Ju-e, siç theksojnë ekspertët në Kinë. Eshtë fëmija i mesëm i liderit të Koresë së Veriut, pasi fëmija i tij i parë ka lindur në vitin 2010 dhe i treti në 2017. Dhe duhet të jetë ose 9 ose 10 vjeçe, gjë që përputhet me fëmijën në video.
Sipas videos që ka bërë xhiron e internetit gjatë orëve të fundit, ajo u pa për herë të parë gjatë një event kombëtar në fillim të këtij muaji.
Ajo ishte një nga disa fëmijët që performuan një këngë për Kim Jong-un dhe gruan e tij, Ri Sol-yu, por ekspertët në Kinë e veçuan vajzën e vogël bazuar në disa pika.
Duke shkruar me pseudonimin “Samhero”, një analist në blogun InDPRK vuri në dukje se Ri Sol Yoo iu afrua vajzës së caktuar në fund të performancës, duke e vendosur dorën e saj në shpinën e fëmijës ndërsa dukej se i fliste personalisht.
Gjithashtu, një tregues tjetër, thonë ekspertët, është se kur fëmijët e tjerë grumbullohen rreth Kim Jong Un, duke kërcyer nga emocionet, ajo shfaqet më e qetë.
Në të njëjtën kohë, “Samhero” shpjegoi se si kamera fokusohet tek ajo teksa fillon kënga, duke u zgjatur për disa sekonda ndërsa i kthehet asaj pa pushim.
Pse Kim Jong Un i “fsheh” fëmijët e tij?
Michael Madden, një ekspert i elitës së Koresë së Veriut, tha se vajza e Kim do të kishte një moshë të ngjashme me vajzën në fjalë. “Ajo do të ishte afër 10 vjeçe në vitin 2022, që është rreth moshës së vajzës në event”, tha ai, duke theksuar se shfaqja e vajzës së tij në publik mund të përbëjë rreziqe për Kim.
“Kur Kim Jong Un ishte fëmijë dhe adoleshent, ai u mbajt larg nga të gjithë, përveç elitave kryesore të Koresë së Veriut që kishin lidhje të ngushta familjare ose personale me babanë e tij. Elitat e Koresë së Veriut nuk mund të ndërveprojnë me të ose me vëllezërit e motrat e tij pa miratimin e babait të tij,” tha ai.
Dhe ai shpjegoi: “Rivalët e mundshëm mes elitave të Koresë së Veriut, nëse ata e dinë identitetin e fëmijëve të liderit, mund të ndikojnë tek ai. Në vend që të nxisin një grusht shteti ose rebelim kundër udhëheqjes politike, fëmijët mund të rrëmbehen ose të dëmtohen për të kërcënuar liderin. Kjo ishte e vërtetë për Kim Jong Un kur ai ishte duke u rritur dhe mund të ishte e vërtetë për fëmijët e tij”, duke shtuar se “kjo dinamikë e bën më pak të ngjarë që ai të lejojë që fëmijët e tij të shfaqen në televizionin shtetëror”. /tesheshi.com/
