Ajo që në gjuhën popullore quhet kërcitja e gishtave, në termat mjeksorë përkthehet si kërcitja e gazit në lëngun sinovial të nyjeve kockore. Shumë njerëzve nuk ua fort “kërcet” fort për pasojat e kërcitjes së gishtave dhe për shqetësimin që tingulli saj mund t`u shkaktoj të pranishmëve. Përpara se të shohim se a është e dëmshme kjo praktikë, le të mësojmë fillimisht se cilat janë shkaqet e këtij tingulli. Sipas shkencëtarëve, ka tre arsye për kërcitjen e gishtave:
Arratisja e gazrave: nyjet përmbajnë një lëng që quhet lëngu sinovial dhe që kryen një funksion të ngjashwm me vajin e motorrit të makinave për reduktimin e fërkimeve midis nyjeve kockore. Ky lëng përmban oksigjen, azot dhe dioksid karboni dhe kur mbi nyjen ushtrohet presion kjo e fundit sekreton gaz në formën e qeskave të cilat shkaktojnë tingullin e kërcitjes.
Lëvizja e tendinave dhe legamenteve që ndodhin gjatë lëvizjes së nyjeve. Tingulli shkaktohet kur ato kthehen në vendin e origjinës.
Vrazhdësia nyjeve: kërcet që mbulojnë kockat e nyjes gërryejnë njëra-tjetrën gjatë lëvizjeve, çka me kalimin e kohës çon në vrazhdësimin e tyre. Kështu kur nyjet lëvizin nga ky fërkim, del edhe tingulli përkatës.
Mirëpo a është e dëmshme kërcitja e kockave?
Zakonisht tingulli kërcitjes së nyjeve, fjala bie te gjunjët, është tregues i egzistencës së problemeve tek to, si për shembull vrazhdësim të tyre etj. Prandaj sugjerohet konsulta me mjekun. Ndërsa nëse kërcitja e kockave shoqërohet me dhembje, atëherë bëhet e domosdoshme konsulta me mjekun.
Në veçanti, kërcitja e gishtave me të cilën disa njerëz kënaqen kur e praktikojnë, sipas disa studimeve në terma afatshkurtër kjo praktikë nuk i dëmton nyjet, mirëpo vazhdimësia e kësaj vepre mund të çojë në dëmtime të indeve të buta –siç janë muskujt- dhe në dobësim të dorës apo ndoshta në fryrje të saj.
Prandaj më e shëndetshme për ju është që të ndaloni së kërcituri gishtat, sidomos pasiqë kjo praktikë mund të jetë e bezdisshme edhe për personat që ju rrethojnë. /tesheshi.com/
