Statuja e Genghis Khan, themeluesit Khanit të madh dhe themeluesit të Perandorisë Mongole, në një lartësi prej dyzet metrash, tërheq një vëmendje të madhe nga turistët që vijnë në zonë.
Ndodhet në zonën Tsonjin-Boldog, një orë nga Ulanbatur, kryeqyteti i Mongolisë. Ajo u ndërtua afër lumit Tola, dhe mongolët mendojnë se është e detyrueshme të vijnë këtu të paktën një herë në vit për të rikthyer kujtesën e heroit të tyre kombëtar.
Statuja e Genghis Khan u bë me të ulur në një kalë dhe duke parë stepat mongoleze, atje ku ai lindi. Baza e monumentit është një hapësirë me tridhjetë e gjashtë kolona.
Ka shumë shumëçka aty; restorante, kafene, dyqane suveniresh, një muze historie si dhe një galeri që përfaqëson punën e artistëve vendas. Veçanërisht interesante është një hartë e madhe e varur në mur, e cila nxjerr në pah të gjitha vendet që Genghis Khan dikur pushtoi. Gjithashtu, tërheq vëmendjen dhe një kamxhik prej ari dy metra.
Statuja është e lartë 40 metra. Besohet se askund në botë nuk është një statujë e tillë kalorsiake. Në një lartësi prej tridhjetë metrash është koka e kalit, në të cilin arkitektët dhe skulptorët ngritën një platformë shikimi. Turistët ngjiten deri aty me ashensor.
Genghis Khan, ishte themeluesi dhe Khan i madh (perandor) i Perandorisë Mongole, e cila u bë perandoria më e madhe kontinentale në histori pas vdekjes së tij.
Ai erdhi në pushtet duke bashkuar shumë prej fiseve nomade të Azisë Verilindore. Pas vendosjes së Perandorisë Mongole, filloi pushtimi mongol i cili rezultoi në pushtimin e një pjese të madhe të Eurazisë.
Genghis Khan vdiq në 1227 pasi mposhti Perandorinë Tangut. Ai është varrosur në një varr të pa shenjuar diku në Mongoli në një vend të panjohur.
Një studim i ADN-së zbuloi se një përqindje çuditërisht e madhe e njerëzve kanë rrënjë te Genghis Khan. Sipas disa vlerësimeve, një në 200 vetë është një pasardhës i një Khani të madh. Dhe kjo, sipas përllogaritjeve vlen për 16 milion njerëz. Ai kishte vetëm katër fëmijë, por këta të fundit sollën në jetë shumë sosh.
Djali i madh, Tushi, kishte 40 djem të ligjshëm dhe ndoshta shumë fëmijë të paligjshëm. Kublai-khan, nipi i Genghis Khan, kishte 22 djem të ligjshëm me gratë e tij, dhe thuhet se shtoi 30 gra në haremin e tij çdo vit. Me shifra të tilla, është e lehtë të kuptohet se si 16 milion njerëz mund të vijnë nga një person. /tesheshi.com/
