Nga reporteri i ‘tesheshi.com’
Dy policë të Kosovës, një nga veriu dhe tjetri nga jugu, që po qëndronin anash në urën kryesore të lumit ‘Ibër’, ishin vëzhguesit e vetëm të të ashtuquajturit ‘Parku i Paqes’, të hënë në Mitrovicë.
Policët po bisedonin për gjëra të rëndomta ditore, ndërsa ishin vendosur, në urën mbi lumin ‘Ibër’, për të ‘ruajtur’, ‘Parkun e ashtëquajtur të Paqes’ apo si thonë ata, për të parandaluar ndonjë ekses në mes të popullatës nga jugu dhe veriu.
Policët ishin shumë të qetë, komodë, nuk kishin ndonjë problem nga të dy anët, pasi që i tërë qyteti i Mitrovicës, vëmendjen e kanë tek Brukseli; pra në bisedimet që po mbahen në kryeqytetin evropian, mbi fatin e parqeve dhe shesheve.
“Do t`i largojë të gjitha (parqet dhe sheshet v.j), ura do të lirohet sepse ndryshe nuk bën”, ka thënë Blerim Syla, banor i Mitrovicës, deri sa po bisedonte me miqtë e tij, në një kafiteri e pinte makiato.
“Nuk ka rrugë tjetër, vendosja e parqeve mbi urë, ndodh vetëm këtu në Mitrovicë dhe askund tjetër në botë, dhe bota është duke u çuditur me këtë budallallëk që kanë bërë serbët”, ka thënë Syla.
Në anën tjetër, në kafiterin ‘Dolcevita’, në veri të Mitrovicës, Momqillo Popoviq, ka theksuar për portalin ‘tesheshi’, se është i njoftuar me bisedimet në Bruksel: “besoj se do ta gjejnë një zgjidhje për këtë sheshe, jemi lodhur me këtë probleme, na duhet punë sepse kemi ngelur keq ekonomikisht”, ka thënë Popoviç.
“Personalisht, jam gëzuar kur e hoqën barrikadën para një viti, kam folur edhe me fqinjë të mi edhe ata u gëzuan, sepse ajo barrikadë aq e shëmtuar na mundonte, por gëzimi, zgjati pak sepse politika e ktheu prapë barrikadën, por tani po e quan ‘Parku i Paqes’, quaje si të duash, ama ura mbetet e mbyllur”, ka thënë Popoviç.
Ndërsa politikani shqiptar, në asamblenë komunale në veri të Mitrovicës, Emir Azemi, thotë se shpreson se do të gjendet ndonjë zgjidhje për sheshet në veri të Mitrovicës, edhe pse mbetet shumë skeptik.
“Personalisht kam dëshirë që në Bruksel të gjendet zgjidhje për këto sheshe, por një gjë të tillë nuk e besoj, pasi që vazhdimisht që pas përfundimit të luftës në Kosovës, kemi pasur bisedime por kanë rezultuar me zhgënjime”, ka thënë Azemi.
Ne shqiptarët, presim zgjidhje për të gjitha sheshet dhe parqet që janë vendosur në veri, po e përsëris për të gjitha sheshet në veri, në të kundërtën ato do të ngelen aty” ka shtuar ai.
‘Parku i Paqes’ mbi urën e lumit Ibër, Sheshi ‘Car Llazari’, sheshi shëtitorja, sheshi ‘Adem Jashari’, sheshi i ‘UÇK-së’, për fatin e këtyre shesheve, delegacioni i Kosovës që përbëhet nga dy kryetarët e komunave, si dhe përfaqësues nga Prishtina dhe Beogradi, pritet të vendosin në Bruksel këto ditë.
Në anën tjetër, burime të portalit ‘tesheshi’, nga veriu i Mitrovicës, që kanë parë planin e ndërtimit të shëtitores në veri të qytetit, theksojë se sheshi do të ndërtohet që nga udhëkryqi tek ura kryesore mbi lumin ‘Ibër’ e deri tek udhëkryqi kryesore në qendër të veriut, pra siç njihet në Mitrovicë deri tek ‘Poleti’”.
Burimi ka shtuar se rruga nga lagja e boshnjakëve e deri në Suhodoll nuk do të preket, pra rruga do të jetë e lirë e më ketë dhe lëvizja nga ura; dhe, pasi të largohet “Parku i Paqes, qarkullimi nga jugu në veri do të bëhet vetën në drejtim të Suhodollit dhe ‘lagjes së boshnjakëve’.
Ndërsa depërtimi nga jugu në veri, pas largimit të pengesave në urë, do të bëhet me shumë vështërsi, pasiqë për të hyrë në pjesëve veriore të Mitrovicës apo për në Zveçan, banorët e jugut duhet të shfrytëzojnë rrugë të rendit të katërt e të pestë.
Banorët joserb të pjesës veriore të Mitrovicës lidhur me këtë kanë theksuar se kurrë nuk do të lejojnë që pas mbylljes së rrugës kryesore të pjesës veriore, rrugët e lagjeve të tyre të vërshohen nga makinat.
“Nuk do të lejojë që rrugët e lagjes tonë të kthehen në rrugë kryesore të qytetit të veriut të Mitrovicës, pasiqë këto që këto rrugë janë të ngushta, ndërsa që serbët vetëm që të mos kalojnë shqiptarë në veri dëshirojnë të ndërtojnë shesh në rrugët ekzistuese, kanë thënë banorët e veriut të Mitrovicës.
Lidhur me këto, portali ‘tesheshi’ ka tentuar të marrë një prononcim nga kryetari i komunës së veriut të Mitrovicës, Goran Rakiç, apo nga zyrtarë të kësaj komune, por nuk janë përgjigjur në telefon. /tesheshi.com/
