Jane Velkovski nga Shkupi, edhe pse në karrocë çdo ditë e më shumë ka dëshirë që të bëhet futbollist. Kjo dëshirë e Janes ka arritur deri në FIFA. Shtëpia më e madhe e futbollit botëror, për herë të parë e prezantoi dëshirën e madhe që Jane ka për futbollin.
Pas videos së publikuar, ylli i klubit të Mançester Junajted, Paul Pogba, i bëri një surprizë Janes, pasi në fillim 9-vjeçari i shkruajti:
“Përshëndetje Paul, faleminderit shumë për fanellën me autograf, unë mendoj që ti je një futbollistë fantastik. Një ditë unë dua të luaj futboll sikur ti.”
Më pas, erdhi mesazhi nga Paul Pogba, i cili i bëri edhe ftesë publike Jane që një ditë të shkojë e ta shehë nga afër një ndeshje të Manchester United-it.
“Jane Jane, i madhi Jane, shpresoj që ti je shumë mirë, mos vrit mendjen për atë fanellë që të më falënderosh. Unë dua të falënderoj ty që po më jep një energji pozitive, dhe unë dua të të bëj ftesë ty që të vish dhe të shohësh nga afër një lojë të Manchester United-it, mendoj që ti do më thuash po, dhe ne do të shihemi shumë shpejt. Kujdesu për veten.”
Jane ka vetëm një dëshirë: të ecë që të bëhet futbollist.
“Unë vikendin e kaloj gjithë kohës me futboll, ose luaj futboll në tablet ose video lojëra, unë gjithkund luaj futboll, nuk ka ndonjë vend ku nuk luaj futboll. Edhe në shtëpi luaj futboll. Dëshira ime më e madhe është që unë të filloj të ecë, dhe kjo është ëndrra ime, ndërsa kur të rritem dua të bëhem futbollist”, thotë Jane.
Jane ka shumë autografe dhe dhurata të futbollistëve botërorë dhe dhomën e ka të dekoruar me simbole të klubeve futbollistike. Vend më të madh ka zënë edhe fanella e portierit të Juventusit, Ganluigi Buffon, i cili i ka dërguar një sosh me autografin e tij. Në Maqedoni u zhvillua edhe një turne futbolli dhe hendbolli nën moton“Të gjithë luajmë për Janen”.
Nëna e Jane thotë se e gjitha kjo filloi nga një fotografim i tij ku ai kishte imituar futbollistin e Real Madrid, Cristiano Ronaldo.
“Jane e ka inspiruar UEFA-në me fotografinë që ka afër Ronaldos. Ata rastësishtë e shpërndanë fotografinë dhe rastësisht kjo gjë shkaktoi një boom, dhe për porosinë që ja dërguan botës. Ata kanë menduar nga aspekti i marketingut se si të shfrytëzojnë këtë gjë, dhe u lajmëruan që të na pyesin se a jemi të interesuar të përfshihemi atë ditë në fushatë”, tha Denica Velkovski.
Miradie Hasani – /tesheshi.com/
