Drejtori i Shërbimit Korrektues, Sokol Zogaj nuk ka dashur të merret me raportimet e fundit se personat që rrahën atë, respektivisht njëri prej tyre, është paguar me 500 euro për të marrë pjesë në këtë sulm.
Megjithatë, Zogaj beson se organet përgjegjëse të drejtësisë do të kryejnë punën e tyre për të ngjarjen e ndodhur në lagjen “Ulpiana” të Prishtinës.
“Për ato që janë botuar në media unë nuk di më tepër. Unë i mbështesë organet që sa më shpejtë të gjendet ata njerëz, të cilët e kanë bërë atë akt makabër ndaj meje”, ka thënë ai për “Indeksonline”.
Nga momenti i sulmit, Zogaj shoqërohet nga efektivë të policisë “hap pas hapi”.
Ai këmbëngul se rrahja ka të bëjë direkt me punën profesionale, e jo jetën private.
“Mund të them se ngjarja s’ka të bëjë me jetën time private familjare por ka të bëjë me punët, angazhimet e mia në Shërbimin Korrektues të Kosovës edhe kaq. Të hënën kam filluar punën, gjendjen e kam stabël dhe besoj se në të ardhmen do të jetë edhe më mirë”, ka thënë ai. /tesheshi.com/
