Të gjithë e kemi përjetuar atë moment kur na ka ardhur në maj të hundës dhe duam të heqim dorë dhe të braktisim regjimin tonë apo aktivitetin fizik. Gjejmë justifikime nga më të ndryshme ose thjeshtë mungesa e rezultateve na bën që të dorëzohemi dhe të braktisim gjithçka.
-
Nuk keni kohë
Mendojeni stërvitjen si një detyrim ditor për të cilën duhet të caktoni një kohë ashtu si puna apo detyrimet familjare. Filloni vetëm me 15 minuta në ditë derisa të mësoheni të menaxhoni kohën për stërvitje dhe mund të vazhdoni edhe me gjysëm ore në ditë. Gjysëm ore në ditë për veten tuaj nuk është asgjë.
-
Nuk keni mundësi financiare për palestër
Nuk keni nevojë për palestër për të bërë stërvitje, mund ta bëni në natyrë: ecje, vrap, biçiklet, not si dhe brenda në shtëpi: ngjitje shkallësh dhe aerobi.
-
Keni mbetur brenda për shkak të motit të keq
Moti i keq nuk është justifikim. Mund të ngjisni shkallët e pallatit apo të shkarkoni video nga internet për ushtrime në shtëpi.
-
Ju vjen turp nga të tjerët
Shmangni oraret kur ka shumë njerëz në palestër ose shkoni të shoqëruar me dikë në mënyrë që t’ju japë kurajo. Dhe nëse nuk keni mundësi për asnjërën nga këto atëherë punoni me veten tuaj: nuk keni pse të druheni: fundja në palestër për çfarë shkohet?
-
Ka filluar t’ju mërzisë rutina e përditshme
Të stërvitesh njësoj çdo ditë mund të jetë e mërzitshme. Mundohuni të alternoni palestrën me sporte të tjera si not apo aerobi. Ditët në pranverë dhe verë mundohuni të shmangni palestrat dhe preferoni aktivitet fizik në natyrë. /tesheshi.com/
