Lumturia është një pjesë e cila përfshin emocionet mendore pozitive. Në lidhje me perceptimin që mund të kemi për të, ekzistojnë shumë njerëz, të cilët mund ta perceptojnë në forma të ndryshme lumturinë.
Sipas kompanisë Happify, e cila përdor shkencën dhe teknologjinë për të inkurajuar njerëzit të jetojnë të lumtur, thekson disa pika kryesore që ju vijnë në ndihmë për këtë si;
Shijo momentin
Të jeni të pranishëm në momentin e tanishëm do ju ndihmojë të reduktoni stresin dhe mendimet negativ, sepse do të jeni të vetëdijshëm në atë çfarë po ndodh aktualisht, fizikisht në këtë moment.
Mirënjohje për gjërat që kanë rëndësi
Psikologët thonë se mirënjohja fillon duke i kushtuar vëmendje të gjitha gjërave që keni kundërshtuar apo keni humbur në jetën tuaj. Janë disa gjëra për të cilat duhet të jeni mirënjohës: shëndeti i mirë, familja, miqtë, të keni një punë dhe një vend ku të jetoni.
Kini si synim arritjet që janë kuptimplotë për ju
Çdo hap ju çon më afër arritjes së qëllimit, dhe asgjë nuk është më e mrekullueshme apo e gëzueshme se të arrish objektivin. Duke qënë aktiv në arritjen e një objektivi ju largoni mendimet pesimiste, që do t’ju çonin hapa prapa në të njëjtën situatë.
Jepni nga vetja juaj
Të ndihmosh të tjerët është një mënyrë e mirë për të gëzuar shpirtin tuaj, duke parë se çfarë mund t’i ofroni të tjerëve. Më shumë të shihni jashtë vetes, dhe sa më pak kritik të jeni ndaj vetes tuaj, më të lumtur do të jeni.
Bashkëveproni me të tjerët
Bisedoni me të tjerët, vendoseni veten në vendin e tyre, ndani pikëpamjet e ndryshme që keni. Ndjeshmëria ju mban larg egoizmit dhe ju bën të fokusoni mendjen në nevojat e të tjerëve. /tesheshi.com/
