Aksioni për pastrimin e Tiranës “nga zhuli” nis më 4 Shtator dhe për këtë aksion është kërkuar edhe bashkëpunimi i qytetarëve. Ashtu si shkruan kryebashkiaku i Tiranës, Erion Veliaj slogani i aksionit do të jetë “Mbajmë pastër, raportojmë plehrat” sipas një aplikacionit të ri që ka njoftuar Bashkia.
Veliaj përsëriti për qytetarët ftesën të organizohen për të qenë pjesë e fushatës së 4 shtatorit për pastrimin e kryeqytetit, sikundër ka bërë më parë gjatë fushatës elektorale dhe në fjalimet pas marrjes së mandatit.
Veliaj shkruan në Facebook: “Duhesh edhe ti. Organizo miqtë dhe na jep një dorë në lagjen tënde në 4 Shtator me aksionin e pastrimit. Shkarko aplikacionin dhe raporto plehrat në lagjen tënde”.
Aplikacioni http://www.trashout.me/mobile-app?hl=en do të ndihmojë qytetarët “të raportojnë” plehrat nëpër lagjet e tyre të banimit.
Nisma u bë e ditur që në mbledhjen e Këshillit Bashkiak, ndërsa Veliaj ka ndërmarrë në këto javë të para të marrjes së detyrës disa iniciativa mes të cilave edhe atë që ka të bëjë me hapjen e hapësirave publike të zëna nga bizneset. /tesheshi.com/
