Kryetari i Komisionit të Punëve të Jashtme të Bundestagut gjerman, Michael Roth tha të martën se Serbia e udhëhequr nga presidenti Aleksandar Vuçiç nuk ka asnjë shans për t’u bërë anëtare e Bashkimit Evropian.
Roth ka publikuar në rrjetin social X një pjesë të fjalimit të Vuçiçit në akademinë përkujtimore me rastin e përkujtimit të Ditës së Përkujtimit të ngjarjeve të 17 marsit 2004 në Kosovë, në të cilën duke iu drejtuar Perëndimit ka thënë “nëse doni ta ndihmoni atë (Prishtinën), nuk do të na keni ne”.
24 Stunden nach der Unterzeichnung eines Sicherheitsabkommens mit Russland kündigt Serbiens Vucic an, dass sie zu einem Zeitpunkt ihrer Wahl in den Kosovo einmarschieren werden.
In seinen jüngsten verschleierten Kriegsdrohungen warnte Vucic gestern den Westen, dass er sich… pic.twitter.com/Vpz09yf6WC
— Anna (@Anna_lena2022) March 18, 2024
“Presidenti Vuçiç keqkuptoi diçka. Perspektiva e anëtarësimit në BE nuk vlen vetëm për Serbinë, por edhe për të gjitha vendet e Ballkanit Perëndimor, përfshirë Kosovën. Nuk ka gjë të tillë si ‘Ose Serbi ose Kosovë’. Por Vuçiç ka të drejtë, me atë në krye nuk ka asnjë shans që Serbia të hyjë në BE”, ka shkruar Roth.
Kryetari i Komisionit për Punë të Jashtme të Bundestagut gjerman dhe presidenti i Serbisë kanë shkëmbyer kritika edhe më herët përmes mediave.
Roth kritikoi politikën autoritare të presidentit serb Aleksandar Vuçiç, i cili më parë e quajti atë një serb-urrejtës, duke iu referuar debatit të nisur në Tëitter nga përgjigja e kryeministres Ana Brnabić ndaj vlerësimit të Roth se zgjedhjet në Serbi nuk ishin as të drejta dhe as të lira. /tesheshi.com/
