Më 26 mars të vitit 1981 u organizua një nga protestat më të fuqishme që njeh historia e Kosovës, ajo e studentëve, e cilia tronditi fuqishëm themelet e Ish-Jugosllavisë.
E gjitha ndodhi ndërsa në Prishtinë do arrinte Stafeta e Rinisë (organizim që nderonte figurën e Titos, ditëlindjen e tij dhe Ditën e Rinisë së Jugosllavisë së dikurshme). Dhe kjo pasoi reagimin brutal të forcave speciale të milicisë në Qendrën e Studentëve, ku rrahën shumë sosh.
Gani Koci, zv.ministri aktual i Zhvillimit Ekonomik, një nga organizatorët kryesorë të protestës së 81-shit (i dënuar me 15 vjet burg, prej të cilave i ka vuajtur 10 vjet, 3 muaj e disa ditë), në një rrëfim të shkurtër për te tesheshi.com rikujton atë ditë.
Rrëfimi i Kocit:
“Unë me 25 mars kam qenë në Podujevë në mbrëmje me disa shokë të një grup ilegal i tyre për të organizuar protestat për Podujevë.
Unë nuk kam qenë në mbrëmjen e organizimit të 26 marsit.
Kam ardh në Prishtinë në ora 10:00 dhe atëherë ju kam bashkangjitë protestës.
Organizimi i protestës së 26 marsit është bërë më duket në dhomën 402-403 ku kanë qenë Bajram Kosumi, Ali Lajqi, Merxhan Avdyli, pastaj Murat Musliu, Sylë Mujaj e shumë të tjerë.
Aktivitetin e kanë bërë me 25 mars në mbrëmje sepse këtë natë kanë tentuar forcat e rendit të fshehta të futen në mesin e studentëve dhe të arrestojnë studente për shkak të protestës paraprake të 11 marsit.
Më 26 mars ka pasur të kalojë edhe stafeta e Titos nëpër Prishtinë manifestim i cili është prish dhe koncentrimi ka qenë brenda qendrës të studentëve.
Kemi qenë të bllokuar totalisht prej forcave policore dhe nuk kemi mundur të dalim jashtë.
Në ora 18:00 apo 19:00 kanë ndërhyrë njësia specialë të ardhura edhe nga Serbia të cilët janë futur nëpër konvikte kanë arrestuar njerëz.
Ka pasur edhe një takim te konvikti numër 1 ku kanë ardhur Azem Vllasi e Pajazit Nushi që kanë zhvilluar një takim me ta por nuk i kemi përcjellë.
Kur ka ndërhyrë policia unë i gjendur në gaz lotsjellës jam fut në konviktin numër 3 në dhomën time, ku konvikti ka qenë thuaje i zbrazët dhe qendra veç është pastruar prej studentëve, ka qenë e rrethuar plotësisht, por unë kam dalë disi nga Qendra e Studentëve, kam kalu ashtu kinse nuk kam qenë në protestë, ashtu jam shtirë dhe kam kalu nëpër mesin e tyre dhe më nuk jam kthyer në Qendër të Studentëve deri më 1 e 2 prill që kanë qenë protestat e radhës edhe më masovike”, kujton pra Koçi. /tesheshi.com/
