Superylli argjentinas i Inter Miami, Lionel Messi, është shpallur sportisti i vitit nga revista amerikane TIME.
Revista njoftoi në rrjetin social X se fituesi i sivjetshëm i çmimit të sportistit të vitit është Messi, i cili mbërriti në korrik nga PSG francez te Inter Miami dhe brenda pak kohësh fitoi simpatinë e tifozëve të ligës amerikane MLS.
Më parë këtë çmim nga revista TIME e kanë fituar atletja Simone Biles (gjimnastikë), LeBron James (basketboll), dhe ekipi i femrave të futbollit të SHBA-së, si dhe Aaron Judge (bejsbolli).
Në gusht, 36-vjeçari Messi udhëhoqi Inter Miami për të triumfuar në Kupën e Ligës së Amerikës së Veriut, titulli i parë i klubit amerikan në histori. Ai shënoi dhjetë gola në shtatë ndeshje të Kupës së Ligës.
Në tetor, Messi fitoi Topin e Artë të tetë rekord pasi udhëhoqi Argjentinën drejt titullit të Kupës së Botës 2022. Ishte fitorja e parë e Argjentinës në Kupën e Botës që nga viti 1986.
Why Lionel Messi is TIME's Athlete of the Year https://t.co/9Fj13nyldY pic.twitter.com/ySp5LtkXSK
— TIME (@TIME) December 5, 2023
Gjatë një karriere të pasur futbolli, Messi ka fituar 44 trofe, përfshirë Kupën e Amerikës 2021 dhe Kupën e Botës 2022 me Argjentinën. /tesheshi.com/
