Një 59-vjeçare e fiksuar pas lojërave të bingos është shokuar kur zbuloi se mikesha me të cilën luante “online” ishte motra e saj e humbur prej shumë kohësh. Sipas medieve të huaja, Elaine Walker nga Britania e Madhe, shpenzoi plot 35 vite për të gjetur motrën e saj, 65vjeçaren Jackie Green.
Por, ajo hoqi dorë vetëm vitin e kaluar, për të zbuluar më pas se kishte tetë vite që luante bingo virtuale me Jackie, dhe nuk e dinte që ishte e motra.
“Menaxheri i lojës online na quante “binjaket e tmerrshme” pasi luanim e bisedonim gjithmonë bashkë”, rrëfen Elaine.
Të dyja motrat u ndanë pasi Elaine u rrit nga prindërit adoptiv në një tjetër vend, ndërsa Jackie me të atin. Mediet ndërkombëtare shkruajnë se në moshën 25-vjeçare Elaine zbuloi se kishte një motër dhe nisi ta kërkonte.
Megjithatë ajo rrëfen se lidhja që patën në lojë ishte më e fortë se ajo në telefon, apo kur u takuan personalisht. /tesheshi.com/
