Ish-kryeministri sllovak Igor Matoviç dhe ish-ministri i brendshëm Robert Kalinak patën një përplasje mes tyre pasi Matoviç sulmoi një ngjarje të organizuar nga partia SMER-SSD si pjesë e fushatës së tij në Bratislavë.
Policia parandaloi përshkallëzimin e mëtejshëm të konfliktit pasi ish-kryeministri dhe ministri u përplasën me grushte.
Gjithçka ka ndodhur para godinës së qeverisë, ku ish-kryeministri Igor Matoviç, nga partia Olano, ka ndërprerë konferencën për media të Robert Kalinik Fico. Mosmarrëveshja mes dy palëve vazhdon prej vitesh.
Matoviç duhej të largohej nga posti i kryeministrit në vitin 2021 për shkak të mosmarrëveshjeve në koalicionin udhëheqës. Pushteti u mor më pas nga partia e Kalinakut, koalicioni i së cilës gjithashtu u shpërbë dhe u shpallën zgjedhje të reja.
Ish-kryeministri e sheh Kalinikun si kundërshtarin e tij kryesor dhe e akuzon për korrupsion, raporton The Star.
Matoviç ka mbërritur në konferencë me një makinë me sloganin “nuk do t’i dorëzohemi mafias”. Ai bërtiti në megafon dhe akuzoi Kalinikun për politikë të keqe të imigracionit gjatë mandatit të tij ministror.
Kalinak më pas iu afrua makinës rreth së cilës ishin mbledhur disa persona, goditi në dritaren e Matoviçit dhe më pas hapi derën. Ai ka tentuar t’i rrëmbejë megafonin dhe Kalinik ka tentuar ta largojë. Situata u përshkallëzua dhe një tjetër anëtar i partisë së Kalinakut e goditi Matoviçin me grusht në kokë. Policia më pas ndërhyri dhe parandaloi konfliktin e mëtejshëm dhe hapi një hetim për incidentin, njoftoi agjencia sllovake TASR. /tesheshi.com/
