Qytetarët e Stambollit po shfaqen të interesuar për një tur në anijen luftarake më të madhe turke “TCG Anadolu”, e cila iu dorëzua zyrtarisht Marinës turke në fillim të këtij muaji dhe e cila u ankorua në portin Sarayburnu të Stambollit më 10 prill, raporton AA.
Në rrugën “Kennedy” të Stambollit, që të çon në port, shihen radhë të gjata njerëzish që presin të vizitojnë anijen luftarake më të madhe të Turqisë.
Në ditën e parë të Fitër Bajramit, anijen e vizituan 16127 persona.
Nga data 17 deri më 21 prill, anija u vizitua nga 61,231 persona.
Në ditën e dytë të Fitër Bajramit, qytetarët erdhën në portin e Sarayburnu që në orët e para të mëngjesit. Kishte radhë të gjata.
Anija është e hapur për vizita deri më 23 prill dhe më pas më 24 prill do të kalojë përmes ngushticës së Stambollit për të përshëndetur qytetarët.
Turqia është një nga dhjetë vendet që projektojnë, zhvillojnë dhe mirëmbajnë anijen e tyre luftarake.
Ndërtimi i anijes luftarake “TCG Anadolu” filloi në prill të vitit 2016 dhe përfundoi këtë vit. Rreth 70 për qind e anijes luftarake është ndërtuar me kapacitete lokale.
Anija “TCG Anadolu” mund të transferojë njësi me madhësi batalioni në një vend të caktuar me mbështetjen e vet logjistike, pa pasur nevojë për mbështetje bazë në shtëpi. E ndërtuar në kantierin detar Sedef të Stambollit, kjo anije luftarake mund të transportojë helikopterë, drone, automjete tokësore, anije të lehta luftarake dhe personel.
Luftanija “TCG Anadolu” është 231 metra e gjatë dhe 32 metra e gjerë dhe mund të transportojë një ngarkesë prej rreth 27 mijë tonësh. /tesheshi.com/
