Arabia Saudite prodhoi një nga sensacionet më të mëdha në historinë e kampionateve botërore teksa mposhti Argjentinën 2:1 në raundin e parë të Grupit C sot.
Leo Messi shënoi një gol të shpejtë për Gauchos, por El Shahri dhe El Davsari “bën historinë” me golat e tyre në pjesën e dytë.
Por veç kësaj, loja prodhoi dhe skena gati horror.
Në një rast, portieri saudit Mohammed Al Owais gjatë një përpjekjeje për të larguar topin dhe për të parandaluar një sulm argjentinas, goditi me gju shokun e tij të skuadrës Yasser El Shahrani.
Sauditët kërkuan të ndërpritej loja, por gjyqtari slloven Slavko Vinçiç la të vazhdonte loja.
https://streamable.com/917xmo
Por sapo erdhi pushimi, Al Owais menjëherë bëri me shenjë që shërbimet mjekësore të nxitonin në fushë.
Portieri i Arabisë Saudite më pas u ul, kapi kokën dhe shikoi me një shprehje të shqetësuar teksa ndihmonin shokun e skuadrës.
Në ato momente, ai e dinte më së miri se çfarë kishte ndodhur saktësisht.
Kush është gruaja e Sheikut të Katarit? E quajnë mbretëresha e
Pak minuta më vonë, videoja u tregoi të gjithëve se çfarë ishte.
El Shahrani u largua nga fusha me barelë dhe para se të largohej, ai mblodhi disi forcat dhe u tregoi tifozëve se ishte i ndërgjegjshëm.
Vinçiq fillimisht e zgjati ndeshjen për tetë minuta, e pas lëndimit edhe pesë minuta shtesë, por rezultati nuk ndryshoi. /tesheshi.com/
