Është e njohur tashmë, se politikanët shqiptarë i kalojnë fundjavat në relaks dhe larg “vorbullës” së aktualitetit të javës. Por, për njërin prej tyre ky weekend është reflektuar i trishtë.
Deputeti demokrat, Astrit Patozi i ka kushtuar një këngë mikut të tij të ndjerë, Sokol Olldashi, i cili nuk jeton më prej 3 vitesh. Kujtojmë këtu se, Patozi ishte një prej miqve më të ngushtë të Olldashit, ndërsa kitara ishte një pasion i përbashkët i tyre.
Ai e ka përkujtuar atë përmes tingujve melankolikë dhe fjalëve prekëse, si “Ti ike larg, në qiell fluturove/na braktise, na pikëllove/ ëndrrën ndërpreve, vallë si guxove… tekstin e plotë të së cilës e dëgjoni të plotë në video https://www.youtube.com/watch?v=4zXqlAujKho
Vargjet mendohet se i ka shkruar vetë Patozi, ndërsa video-ja u publikua në rrjetet sociale.
Sokol Olldashi humbi jetën në një aksident tragjik më 20 nëntor 2013, pranë fshatit Kërrabë, në rrugën Elbasan-Tiranë. Automjeti me të cilin udhëtonte humbi kontrollin dhe përfundoi në një greminë. Pas hetimeve, autoritetet dëshmuan se ngjarja ishte aksidentale./tesheshi.com
