Para se ta filloni procesin, sigurohuni që rroba është e palosur në atë mënyrë që ia pamundëson çamçakëzit të ngjitet në pjesë të tjera të saj.
Metoda e ngrirjes
Kjo është ndër mënyrat më të mira për ta hequr çamçakëzin nga rrobat, veç nëse nuk e keni këtë punë me nxitim. Rrobën e vendosni në një qese plastike dhe e mbyllni atë. Qesen e vendosni në frigorifer për dy orë dhe pastaj, kur të jetë ngrirë çamçakëzi tërësisht, e hiqni atë nga frigoriferi. Me një thikë filloni ta hiqni çamçakëzin dhe do ta shihni se sa lehtë hiqet. Nëse shihni se kanë mbetur shenja nga çamçakëzi, atëherë thjesht e pastroni me pak ujë apo detergjent dhe kjo nuk do t’ju paraqesë problem.
Llaku i flokëve
Nëse dëshironi ta shpejtoni procesin, thjesht vendosni sasi të konsiderueshme të llakut të flokëve në pjesën e prekur nga çamçakëzi. Kimikatet etij do të kenë efekte në çamçakëz dhe do ta bëjnë atë të forcohet. Kur të jetë forcuar çamçakëzi, e hiqni me thikë.
Lëngu i limonit
Limoni është magjik për shumë sëmundje dhe probleme tjera, por kush do të kishte menduar se e zgjidh edhe këtë problem mjaft të zakonshëm? Rrobën e dëmtuar nga çamçakëzi e zhytni në një legen të mbushur me ujë e pak lëng limoni dhe pas disa minutave me thikë e hiqni çamçakëzin. Për t’u siguruar se nuk do ta dëmtoni rrobën, sigurohuni që mos ta lini shumë gjatë atë të zhytur në lëngun e limonit. /tesheshi.com/
