Duke folur në ceremoninë e 26-vjetorit të daljes së RD-së, organit të Partisë Demokratike, kreu i kësaj partie Lulzim Basha nuk mundi të mos e çojë “gjuhën atje ku dhemb dhëmbi”, tek qeveria, duke lëshuar akuza të ashpra ndaj saj.
“Kjo është qeveria e mjerimit. Nuk ka dy të vërteta për drogë, por 5 fishim i sipërfaqes së mbjellë gjatë vitit të kaluar. Ku ka tendera, ku lartësohen ndërtime pa leje, janë njerëzit e lidhur me qeverinë dhe krimin në pushtet”, tha Basha, i cili gjithashtu u bëri thirrje mediave që të kontribuojnë për zgjedhje të lira.
“Kjo ditë të shënojë bashkëpunimin e ri të opozitës me median e lirë. Të luftojmë së bashku për shitblerjen e votës, për zgjedhje të lira”, theksoi kreu i opozitës. /tesheshi.com/
