Anija Dattilo e rojeve bregdetare italiane ka arritur të shpëtojë shëndoshë e mirë 249 migrantë, të cilët ndodheshin në bordin e një anije peshkimi rreth 200 milje në perëndim të Siçilisë. Lajmi është bërë i ditur nga rojet bregdetare.
Operacioni i shpëtimit është realizuar gjatë natës që lamë pas, në kuadër të një operacioni shpëtimi të koordinuar nga qendra operative e rojeve bregdetare në Romë dhe ministria e Infrastrukturës dhe Transporteve.
Telefonata e thirrjes për ndihmë erdhi në qendrën operative përmes një telefoni satelitor. Anija Dattilo po drejtohet drejt brigjeve të Italisë, bashkë me të shpëtuarit në bord. /tesheshi.com/
