Në Republikën e Maqedonisë u shënua 23 Tetori “Dita e Luftës Revolucionare Maqedonase”, që është njëherësh dhe ditë pushimi.
Në Parlamentin e Maqedonisë u ndar çmimi shtetëror “23 tetori” dhe delegacioni shtetëror vuri lule pranë monumentit të themeluesve të Organizatës së Brendshme Revolucionare Maqedonase.
Mes fituesve të sivjetshëm të çmimit “23 tetori” ishte edhe shkrimtari shqiptar për fëmijë, Fejzi Bojku.
Kremtimi i kësaj feste mbeti nën hijen e krizës politike me të cilën përballet Maqedonia si dhe e ngulfatur nga raportimet mediatike se Shtetet e Bashkuara të Amerikës kanë filluar ta kompletojnë listën e zezë, si masë e pare kundër politikanëve të dyshuar për krim dhe korrupsion. /tesheshi.com/
