Raketat izraelite mbi hapësirën ajrore siriane, nisja e fushatës në Turqi, ndeshja finale e Arsene Wenger si trajner i Arsenalit në Londër, demonstratat në Gaza dhe Cate Blanchett në festivalin e filmit në Kanë – kjo është java e fiksuar në shkrepjet e foto-reporterëve më të mirë të botës.
Përmbledhja vjen nga “The Guardian”.
Ashdod, Izrael. Të rinj izraelitë bëjnë prova përpara ceremonisë që shënoi kapitullimin nazist në Europë në maj 1945.
Gaza. Një i afërm i palestinezit të vrarë në kufirin midis Izraelit dhe Gazës reagon ndaj lajmit në një spital në jug të Gazës.
Siri. Imazhi i publikuar nga agjencia siriane arabe e lajmeve tregon me qëllim sistemet e mbrojtjes ajrore që interceptuan raketat e Izraelit mbi hapësirën ajrore siriane.
Mesdhe. Një avion luftarak prêt të nisë fluturimin nga luftë-anija amerikane Harry S Truman në lindje të Mesdheut. Shtetet e Bashkuara nisën operacionet ajrore në mbështetje të përpjekje për të shkatërruar shënjestra të ISIS në Siri dhe Irak.
Mesdhe. Një emigrant në bordin e mjetit të shpëtimit, MV Aquarius, pranë brigjeve libiane. Roma lejoi 105 emigrantë të zbarkonin në Itali pasi i mbajti ata në det ndërsa negociohej një vendim midis autoriteteve italiane dhe atyre britanike.
Stamboll. Gratë vështrojnë portretin e presidentit turk, Recep Tayyip Erdoğan dhe themeluesit të Turqisë moderne, Mustafa Kemal Atatürk. Erdoğan thirri zgjedhje kombëtare të parakohshme më 24 qershor.
Solai, Kenia. Fshatarët ecin përmes ujërave të përmbytjeve. Një digë private e përdorur për ujitje dhe rritjen e peshkut në luginën Rift në Kenia u mbush mbi kapacitetin pas javëve të tëra me shira të rrëmbyeshëm, duke dalë nga shtrati e duke vrarë të paktën 45 persona.
Mesdhe. Emigrantët shohin bregun e Siçilisë nga anija e shpëtimit.
Lartësitë Golan. Një ushtar izraelit në një postë vëzhgimi në malin Bental që shikon mbi anën siriane të pikëkalimit kufitar. Shenja tregon distancën nga qytete të ndryshme.
Kanë. Aktorja australiane dhe presidente e jurisë së Kanës, Cate Blanchett mbërrin për shfaqjen e “Luftës së Ftohtë” në festivalin e filmit.
McAllen, Teksas. Një burrë që kaloi ilegalisht kufirin midis Meksikës dhe Shteteve të Bashkuara përpiqet t’i ikë një agjenti të patrullës kufitare në afërsi të qytetit teksan.
Moskë. Policia ndalon një pjesëmarrës në një marshim anti-Putin të thirrur nga lideri opozitar, Aleksej Navalni, dy ditë përpara inagurimit të Vladimir Putin si president për një mandat të katërt.
Gaza. Demonstruese vrapojnë për mbrojtje nga gazi lotsjellës i hedhur prej trupave izraelite gjatë një proteste ku palestinezët kërkuan të drejtën e rikthimit në atdheun e tyre.
Edirne, Turqi. Një burrë kërcen mbi një zjarr gjatë Kakava. Festivali i përvitshëm rom shënon ardhjen e pranverës.
Shën Petërsburg. Banorët mbajnë portretet e anëtarëve të familjeve që morën pjesë në Luftën e dytë Botërore ndërsa festojnë përvjetorin e 73-të të mposhtjes së nazistëve.
Pahoa, Havaj. Llava përparon ngadalë përgjatë rrugës Hookapu në Pahoa. Vullkani Kilauea në Havaj shkatërroi 26 shtëpi dhe shpërndau llavë me qindra metra në ajër.
Liuzhou, Kinë. Fshatarët etnikë Miao marrin pjesë në një konkurs plugimi për të shënuar Li Xia, nisjen e verës.
Sichuan, Kinë. Bankat e mbetura në klasën e një ndërtese të shkatërruar nga tërmeti i vitit 2008 në Sichuan në përvjetorin e dhjetë të tragjedisë ku humbën jetën mbi 69 mijë persona dhe u plagosën mbi 374,000 të tjerë.
Londër. Arsène Wenger del për herë të fundit si trajner i Arsenalit në stadiumin e Emirateve përpara ndeshjes së Ligës së Parë kundër Burnley.
Londër. Pushime në breg të lumit për të përkujtuar përvjetorin e dhjetë të Arkadia-s. Përgatiti: Juli Prifti – /tesheshi.com/
