Presidenti Macron dhe “Pussy Riot”në finalen e Kupës së Botës, presidentët Trump dhe Putin në Helsinki dhe çuditë e botës natyrore – këto janë disa nga shkrepjet e përmbledhjes së “The Guardian”me 20 fotografitë e javës nga fotoreporterët më të mirë të botës.
Kaliforni, SHBA. Avion që lufton me zjarrin Ferguson kalon nën diellin që perëndon në kontenë Mariposa, afër parkut Kombëtar Josemite.
Sana’a, Jemen. Një vajzë e zhvendosur nga qyteti-port i Detit të Kuq, Hodeidah vështron pas derës së strehës së familjes së saj.
Nju Jork, SHBA. Zjarrfikësit punojnë në një skenë shpërthimi në Avenunë e Pestë në Nju Jork.
Provinca Lampung, Indonezi. Llava rrjedh poshtë nga vullkani Anak Krakatau (fëmija i Krakatoa) gjatë një shpërthimi të vërejtur nga ishulli Rakata.
La Libertad, Honduras. Rolando Bueso Castillo dhe gruaja e tij, Adalicia Montecinos në shtëpinë e tyre. Po bëhen pesë muaj që kur ata nuk e kanë parë djalin e mitur, Johan Bueso Montecinos, i cili u nda në kufirin teksan në mars dhe u dërgua në një strehë në Arizona.
Algeciras, Spanjë. Emigrantët zbresin nga një anije shpëtimi përpara se të drejtohen në një autobus policie. Ata mbërritën në port pasi u pikasën në gjirin e Gjibraltarit.
Uashington, D.C. Një grua lutet brenda bazilikës së faltores kombëtare të Ngjizjes së Papërlyer, kishës më të madhe katolike në Shtetet e Bashkuara. Kryepeshkopi i Uashingtonit, kardinali Theodore McCarrick, po përballet me mbikëqyrje në rritje për abuzimin e dyshuar me shumë burra e djem dhe është pezulluar nga drejtimi aktiv, pas nisjes së hetimeve.
Masaya, Nikaragua. Funerali i Jose Medina, i cili humbi jetën ghatë përleshjeve midis milicive pro-qeveritare dhe protestuesve. Protestat anti-qeveritare nisën për shkak të reformës së dështuar të sigurisë sociale dhe u shndërruan në kërkesë për dorëheqjen e presidentit Daniel Ortega, i cili ka qenë në pushtet për 11 vjet e që përballet me akuza të abuzimit të pushtetit dhe korrupsion.
Guilin, Kinë. Performuesit qëndrojnë në anije transparente ndërsa bëjnë prova për një shfaqje në lumin Lijiang në rajonin Guangxi Zhuang.
Jupiter. Anija kozmike e NASA-s, Juno kap hemisferën jugore të planetit gjigant, ndërsa performon navigimin e 13-të në afërsi të Jupiterit.
Stamboll, Turqi. Njerëzit mblidhen në urën e martirëve të 15 Korrikut, për të përcjellë përvjetorin e dytë të grushtit të dështuar të shtetit. Më parë e njohur si ura e Bosforit, ajo u riemërtua në kujtim të atyre që u vranë gjatë rezistencës ndaj përpjekjes për grusht shteti.
Asuan, Egjipt. Nubiani 38-vjeçar Reesha noton në lumin Nil. Një nga civilizimet më të vjetra në botë, nubianët e lënë të jetojnë në këtë ishull janë të vetmit që nuk janë detyruar të braktisin shtëpitë në mënyrë që të hapej vend për rezervuarët dhe digat në vitet 1960.
Qyteti i Gazës, Palestinë. Të rinj palestinezë qajnë në morgun e spitalit al-Shifa pas vrasjes së dy adoleshentëve në një seri sulmesh ajrore izraelite. Dy palestinezët e moshës 15 dhe 16 vjeç, ishin në rrugë në perëndim të qytetit të Gazës kur u goditën nga një raketë e lëshuar prej një ndërtese të boshatisur pranë.
Bentiu, Sudani i Jugut. Një vajzë e zhvendosur nga shtëpia e saj mban karriken brenda kompaundit të bazës së mbrojtjes së civilëve të OKB-së.
Moskë, Rusi. Aktivistja e Pussy Riot largohet nga fusha gjatë finales së Kupës së Botës. Ajo së bashku me tre aktiviste të tjera u burgosën për 15 ditë.
