Edhe 18 vjet pas futjes së euros, qytetarët gjermanë mbajnë ende monedhën e vjetër të tyre, që shkon ne vlerën e 12,46 miliardë markave (6.37 miliardë euro), njoftoi Banka Qendrore e Gjermanisë.
“Nga 12.46 miliardë markat që nuk janë shkëmbyer ende nga qytetarët në euro, një total prej 5.83 miliardë është në kartëmonedha, dhe 6.63 miliardë në monedha”, njoftoi Deutsche Bundesbank.
Vlera më e lartë e kartëmonedhave është ajo me emërtime 100, 500 dhe 1.000 marka gjermane.
Gjatë këtij viti, qytetarët ende janë duke shkëmbyer marka gjermane me vlerë midis 35 dhe 45 milion euro.
Por sasia më e madhe e markave gjermane u tërhoq menjëherë pas futjes së euros në fillim të 2002
Për dallim nga vendet e tjera që kanë futur euron, në Gjermani nuk ka ndonjë afat kohor që monedha e vjetër të shndërrohet në euro.
Kursi i këmbimit është ende i pandryshuar: një euro vlen 1.955583 DM. /tesheshi.com/
