Emergjencat Civile bënë të ditur se gjatë ditës së sotme janë evidentuar 17 vatra zjarri, ndërsa situata paraqitej më alarmante në Velipojë dhe Llogara.
Sikundër raportohet në këto dy zona ka pasur ndërhyrje edhe nga ajri, për shkak edhe të terrenit jo të përshtatshëm dhe rrezikshmërisë për përhapjen e flakëve në sipërfaqe më të mëdha.
Ndërkohë në lidhje me zjarrin në malin e Dajtit, kreu i Emergjencave Civile, Shemsi Prençi, tha se si rezultat i ndërhyrjes së shpejtë nga toka dhe nga ajri është bërë i mundur neutralizimi i flakëve dhe vendosja e gjendjes nën kontroll.
“Aktualisht zjarri është nën kontroll me mbërritjen e helikopterit. U organizua një operacion i shpejtë për neutralimin e zjarrit. Operacione të ngjashme janë zhvilluar sot në zonë e Llogarasë në tre vatra zjarri, dhe një në Velipojë, që rrezikonte disa banesa. Ndërhyrja me helikopterë bëri të mundur fikjen e zjarreve. Një tjetër operacion po zhvillohen në Pogradec”, u shpreh Prençi. /tesheshi.com/
