Duke nuhatur një marrëveshje të mundshme Rama-Basha, gjë që mund ta viktimizonte LSI-në, pra ngjashëm si më 2017-ën, themeluesi dhe sot kreu i saj në hije, presidenti Ilir Meta, ka ofruar një video me thirrjen në një miting partiak se “ne kurrë nuk mund të pranojmë dhe nuk do të bëjmë asnjë kompromis me atentatin kushtetues të 21 prillit, sepse për ne parimi i ndarjes se pushteteve është i shenjtë, është jetik, është vetë vija ndarëse mes demokracisë dhe diktaturës”.
“Edhe sot më e vërtetë dhe aktuale se 11 vite më parë”, është diçitura shoqëruese e videos.
Kohët e fundit, Meta i është kthyer atij zhvillimi të 11 viteve më parë, kur Berisha e Rama patën një pakt mes tyre që u shoqërua me disa ndryshime kushtetuese, të përkthyera nga Meta në atë kohë si një kurth për eliminimin e LSI. Kjo çoi dhe në një skenë të pazakontë në parlament, ku Meta, në kushte mbipeshe, iu vërsul ish-kryetares Topalli. Ishte një kohë kur krah tij kishte shumë figura të së majtës, por dhe Artur Zhejin dhe të ndjerin Andrea Stefanin. /tesheshi.com/
https://www.facebook.com/ilirmetazyrtar/videos/475941636593846/?t=5
