Opinioni publik shqiptar është tronditur sot nga vdekja e një vajze të re pas një operacioni që mendohej të ishte i lehtë.
Ngjarja tragjike ka ndodhur dje në spitalin privat “Continental” në kryeqytet.
Blerta Pepa pësoi një dëmtim në meniskun e gjurit gjatë orës së fiskulturës dhe mjekët i këshilluan një operacion të menjëhershëm, por fatkeqësisht dhe pse operacioni shkoi mirë ajo nuk u zgjua nga anestezia.
Fotot e adoleshentes u shpërndanë me shpejtësi në rrjet pasi ajo nuk ishte krejt e panjohur. E apasionuar pas muzikës Blerta kishte qenë pjesë e një shfaqje televizive për talentet e reja.
Dyshimi i parë i hedhur për shkakur e vdekjes së saj është anestezia e gabuar. Ky dyshim përforcohet dhe për faktin se mjeku anestezist, i cili mesa duket ka kuptuar se ka gabuar, ka tentuar të vrasë vetën, duke injektuar në trup preparat lënde anastezie.
Familjarët e vajzës kanë kërkuar përgjegjësi për humbjen e saj. Operacioni u krye nga një mjek gjerman i cili punonte disa ditë në javë në këtë spital.
“Doli mjeku ortoped, ishte gjerman tha çdo gjë ok. Kërkoj që drejtësia të merret me këtë spital, me mënyrat më ekstreme që ka ky shtet. Kam paguar 3500 euro, gjysmat se të tjerat do i merrnin mbrapa. Ata më thanë se vajza është e sigurtë e do dalë shëndoshë ndërkohë që ma morën në lulen e rinisë”, rrëfen Bardhi Pepa, i ati i Blerta, për Top-channel.
Grupi hetimor ka sekuestruar kartelën mjekesore të 15-vjeçares duke nisur hetimet. /Tesheshi.com
