Zyra e komunikimit pranë qeverisë së Katarit përmes një deklarate ka vënë në dukje se kërkesat e katër shteteve arabe nuk janë as të arsyeshme, dhe as të zbatueshme.
Deklarata shton se “bllokada e paligjshme nuk ka të bëjë fare me luftën ndaj terrorizmit, por me kufizimin e sovranitetit të Katarit, dhe me shterimin e politikës së Jashtme të vendit”.
Më herët, ministria e Jashtme e Katarit, po me anë të një deklarate, konfirmoi marrjen e listës së kërkesave nga Arabia Saudite dhe aleatët e saj, dhe theksoi se po studion dokumentin në mënyrë që të përgatisë një përgjigje të përshtatshme ndaj tij.
Ministria thotë se përgjigja do të dorëzohet tek Kuvajti, që po vepron si ndërmjetës në krizën e Gjirit.
Reagime ka pasur edhe nga organizata të tjera të Katarit, në lidhje me listën prej 13 kërkesash që i janë vendosur këtij vendi në mënyrë që të hiqen sanksionet. Komiteti i të drejtave të Njeriut tha se lista dhunon konventat e të drejtave të njeriut dhe marrëveshje të tjera të rëndësishme ndërkombëtare dhe rajonale. /tesheshi.com/
