Persona të panjohur mbrëmë rreth orës 23:35, kanë sulmuar fizikisht aktivistin e Vetëvendosje-s, Agron Kabashi. Kjo ka ndodhur pasi ai shoqëroi me veturë sekretarin organizativ, Dardan Molliqaj, në studiot e Klan Kosovës, për xhirimin e një emisioni.
Ngjarja ka ndodhur në rrugën ‘Muharrem Fejza’, tek banesa e Molliqajt, ku aktivisti Kabashi e ka lënë Molliqajn dhe po kthehej në veturë.
Vetëvendosje bën të ditur se aktivisti i tyre është goditur me shufra metalike, me ç’rast i janë shkaktuar lëndime trupore dhe tani gjendet në Qendrën Emergjente të QKUK-së.
“Këta persona e kanë kërcënuar aktivistin Kabashi dhe i kanë thënë që të mos e shoqërojë më asnjëherë Molliqajn, gjë që tregon se sulmi ka motive politike dhe ëshë sulm ndaj sekretarit organizativ të Lëvizjes Vetëvendosje”. Policia është duke e hetuar rastin. Ndërsa, gjendja shëndetësore e Agronit është e mire”, thuhet në njofitmin e VV-së.
Molliqaj është një prej drejtuesve të VV-së që nuk e ka problem t’i quajë kriminelë njerëzit e pushtetit dhe këtë ua ka thënë disa herë në sy.
Kështu që shoqërimi me të po del të jetë i rrezikshëm për miqtë e tij. /tesheshi.com/
