Në përvjetorin e 12-të të pavarësisë së Kosovës, kryeministri Albin Kurti ishte në kompleksin përkujtimor në Prekaz, atje ku prehen jasharajt heroikë, mes të cilëve legjendari Baca Adem.
Sipas tij, Kosova ka një tjetër kryeqytet, e ai është Prekazi.
“Erdhëm sot këtu në Prekaz, në këtë kryeqytetin e e kryengritjes e atdhedashurisë për liri e të qëndresës së popullit tonë për të kujtuar e nderuar familjen Jashari.
59 persona të cilët luftuan dhe u sakrifikuan në një ngjarje të jashtëzakonshme që sot njihet si Epopeja e UÇK-së”, tha Kurti.
Ndërsa presidenti Thaçi lëshoi videon e atij momenti kur u shpall pavarësia, protagonist i së cilës ai ishte si kryeministër.
“Popullit të Kosovës, të gjithë shqiptarëve kudo që janë, nga zemra ju uroj dymbëdhjetë vjetorin e Shpalljes së Kosovës shtet të pavarur dhe sovran!”, shkroi Thaçi. /tesheshi.com/
https://www.facebook.com/HashimThaciOfficial/videos/181381199812658/?t=3
